Күз-береке бастауы

Күз-береке бастауы

   Күз келді. Күн әлі жаздыгүнгідей жылынып, жұмсалмаған соңғы жылуын беруге тырысады. Тек жел салқын, әрі қатал бола бастады. Жарқын жасыл желектердің арасында күздің алғашқы  жаршысы байқалады: сары және қызыл жапырақтар. Жақында олар ағаштардан құлап, барлық жолды жабады. Ұзақ және дауылды нөсер маусымы әлі басталған жоқ, бірақ аспан мезгілімен қабағын түйеді. Кейде болар болмас тамшылайды, дегенмен сол уақытта Күн сәулесінің астында кеуіп қалады.

   Табиғат күздің алтын түстерімен киініп, ақ-қара қыс келмей тұрып, өзін көрсетуге тырысады ма деймін. Ыстық жаздың шапшаңдығы азайып, тыныштық пен босаңсу маусымы аяқ басуда. Бұрын қолға түспейтін жәндіктердің өзі қазір әлсізденуде. Олардың баяу және ұйқылы қимылдары-күздің есік алдында тұрғанын ұмытпауға мүмкіндік береді. Бірақ осы ұйқышылдыққа, әлсіздікке, ауруға қарамастан, күз бізге өзінің керемет уақытын ашты.

   Күз-піскен жемістерді жинау үшін ең қолайлы уақыт. Алманың өзінен қанша ма десерт, тұздық және басқа фантастикалық тағамдар жасауға болады. Сондықтан тездетіп бақшаңыздан жемістерді жинап, оларды аспаздық тәжірибелерде қолдануға уақыт келді!

  Қандай да бір себептермен, күз, адамды кітап оқуға шабыттандырады. Әлде менде ғана солай ма?! Мүмкін мен бұл әрекеттен алтын уақыттан меланхолия ноталарын көрем бе, кім білсің! Осы уақытта достарыңызбен және/немесе отбасыңызбен әдеби кеш ұйымдастыруға болады. Әрине, егер сіз библиофилдер қатарынан болсаңыздар.

   Шыны керек, мен бүкіл тірлігімді ұмытып, күздің күніне сүңгіп кеткім келеді. Өзен жағасында жүріп, күзгі ауаның иісін сезіп, өзендегі салқын суға қолымды тигізгім келеді. Көзімді жұмып, желді сезініп, салқынды денемнен өткізгенді қалаймын. Бұның бәрі жаңа әрекеттерге шабыттандырады. Сол кезде өмірді сезініп, алға жылжығым келіп тұрады. Сол үшін мен Алтын Күз уақытын жақсы көремін, оны асыға күтемін!

Авторы: Елтай орта мектебінің 10-сынып оқушысы Алмуханова Мөлдір