Құқық бұзушылықтың алдын алу Кеңесі туралы жалпы ереже

                                                                         Бекітемін:_______

«Никольск ауылының №1

 ЖОББМ» КММ-нің .

директордың м.а: Аймихан М.

 «Никольск ауылының №1 жалпы орта білім мектебі» коммуналдық мемлекеттік мекемесі  2024-2025   оқу жылы

Құқық бұзушылықтың алдын алу Кеңесі туралы Ереже

Жалпы ереже

1.1. Құқық бұзушылықтың алдын алу Кеңесі құқық бұзушылықтың алдын алу үдерісін тиімді ұйымдастыру мақсатында мектеп әкімшілігі, мұғалімдер, ата-аналардың (заңды тұлғалардың), қоғамдық ұйымдардың қызметін біріктіреді. 1.2.Құқық бұзушылықтың алдын алу Кеңесі өз жұмысын Қазақстан Республикасы заңнамалары негізінде іске асырады. 

2. Құқық бұзушылықтың алдын алу Кеңесінің құрылымы мен ұйымдастыру жұмыстары. 

2.1.Мектептің құқық бұзушылықтың алдын алу Кеңесінің құрамы: 

а) Құқық бұзушылықтың алдын алу Кеңесі төрағасы (төрайымы) - мектеп директоры; 

б) Құқық бұзушылықтың алдын алу Кеңесінің хатшысы-тәрбие ісінің меңгерушісі; 

в) Құқық бұзушылықтың алдын алу Кеңесінің мүшелері: мектеп әкімшілігі, мұғалімдер, ата-аналар, жоғары сынып оқушылары, мектеп инспекторы. 

2.3. Құқық бұзушылықтың алдын алу Кеңесі жұмысына кеңес төрағасы – мектеп директоры басшылық етеді. 

2.4. Құқық бұзушылықтың алдын алу Кеңесі отырысы айына бір рет өткізіледі. 2.5. Құқық бұзушылықтың алдын алу Кеңесі шешімі көпшілік дауысымен қабылданады. 

2.6. Құқық бұзушылықтың алдын алу Кеңесінің отырысы, барысы мен қабылданған шешімдері хаттамаланады. 

2.7. Құқық бұзушылықтың алдын алу Кеңесі мүшелерінің сандық және сапалық құрамы жыл сайын педагогикалық кеңесте қаралып, мектеп директорының бұйрығымен бекітіледі. 

3. Құқық бұзушылықтың алдын алу Кеңесі принциптері, мақсаттары мен міндеттері: 

3.1. Құқық бұзушылықтың алдын алу Кеңесінің қызметі төмендегі принциптерге негізделген: 

- заңдылық, демократия және кәмелетке толмағандарға iзгiлiкпен қарау; 

- кәмелетке толмағандар мен олардың отбасыларына жеке қарымқатынас; 

- алынған ақпараттың құпиялылығын сақтау. 

3.2. Құқық бұзушылықтың алдын алу Кеңесі - алқалы орган болып табылады, оның мақсаты жоспарлау, әлеуметтік қауіпті жағдаяттардың (баланың қадағалаусыз қалуының, құқық бұзушылықтың, қоғамға жат iсәрекеттер) алдын алу жұмыстарын ұйымдастыру және орындалысын бақылау болып табылады.

 3.3. Құқық бұзушылықтың алдын алу Кеңесінің негізгі міндеттері мыналар болып табылады: 

- кәмелетке толмағандардың қараусыз қалуына, қылмыс жасауына, құқық бұзуына, қоғамға қарсы іс-әрекет жасауына себеп болған жағдайларды анықтау және жою; 

- кәмелетке толмағандардың құқықтары мен заңды мүдделерін қорғау; - әлеуметтік қиын жағдайдағы кәмелетке толмағандарды әлеуметтік педагогикалық оңалту; 

- кәмелетке толмағандардың қылмыстық және қоғамға қарсы істерге қатысуын анықтау және жолын кесу; 

4. Арнайы, жеке алдын алу жұмыстарын жүргізетін тұлғалар тобы: 

4.1. Кеңес кәмелетке толмағандардың төмендегідей санаттары үшін жеке алдын алу іс-шараларын ұйымдастырады және жүзеге асырады: қаңғыбастыққа бейім, баспанасыздық, қадағалаусыз, есірткі пайдаланушылар, қоғамға қарсы іс-әрекеттері үшін ішкі істер бӛлімінде тіркеуде тұрғандар, мектеп Жарғысын бұзушылар.  

4.2. Құқық бұзушылықтың алдын алу Кеңесі ата-аналар немесе олардың орнындағы адамдармен кәмелетке толмағандарды тәрбиелеу, оқыту мәселелері жӛнінде жоғарыда аталғандар өз міндеттерін дұрыс ақтармаған жағдайда жекелеген жұмыстар ұйымдастырып, жүргізеді. Дәл осындай жұмыс, ата-аналар немесе олардың орнындағы адамдар кәмелетке толмағандардың мінез-құлқына теріс әсер еткен жағдайда немесе оларға қатыгездік көрсеткен жағдайда да жүзеге асырылады. 

5. Құқық бұзушылықтың алдын алу Кеңесі жұмысының түрлері мен мазмұны 

 5.1. Құқық бұзушылықтың алдын алу Кеңесі аналитикалық қызметті қамтамасыз етедімектепте құқық бұзушылықтың алдын алу жұмысы бойынша қызметі жағдайын зерттейді; оқушылардағы тәрбиелік және құқық бұзушылықтың деңгейін тексереді; мектептің алдын алу қызметі деңгейін зерттейді, өткізілетін іс-шаралардың тиімділігін, оқушылардағы қоғамға қарсы мінез-құлық салдары мен себептерін зерттейді әрі девиантты балаларды анықтайды. 

5.2. Құқық бұзушылықтың алдын алу Кеңесі оқушылар арасындағы құқық бұзушылықты айқындайды; қоғамға қарсы мінез-құлықты оқушылардың жеке істерін қарайды, олармен жеке жұмыс жоспарын құрып, мектеп директорына бекітуге береді; қажет болған жағдайда оқушыны немесе оның ата-анасын мамандар кеңесіне жолдайды(психолог,  әлеуметтік қызметкер т.б.), ондай мінез-құлықты оқушыларды мектепішілік тізімге тұрғызу, одан шығару жұмыстарын жүргізеді; балаларға арналған қосымша білім беру ұйымдарына тартады; тізімде тұрған оқушыларды мектептегі, қаладағы әр түрлі жұмыс істейтін еңбек бірлестіктеріне, жазғы сауықтыру компанияларына, үйірмелерге, ұжымдық жұмыстарға тартады; қолайсыз отбасылармен профилактикалық жұмысты жүзеге асырады; өз отырыстарында тізімде тұрған оқушылар туралы сынып жетекшілерінің, жеке жұмысты жүргізуге қатысы бар басқа да педагогикалық қызметкерлердің есебін тыңдайды, басқа да осы оқушылармен жасалатын жұмыстар мерзімін анықтайды. 

5.3. Құқық бұзушылықтың алдын алу Кеңесі ұйымдастыру қызметін жүзеге асырады; балаларды тәрбиелеу бойынша өз міндеттерін дұрыс атқармайтын ата-аналар жайлы тиісті ұйымдарға сұраныстар жолдайды, ҚР «Кәмелетке толмағандар арасындағы құқық бұзушылықтың алдын алу және олардың құқығын қорғау, балалар қадағалаусыз және панасыз қалуының алдын алу» туралы Заңына сәйкес қаулылар қабылдап, комиссия алдында тәртібі түзелген оқушылардың тізімнен мерзімінен бұрын шығарылуы туралы ұсыныстар жасайды. 

6. Құқық бұзушылықтың алдын алу Кеңесі құқықтары мен міндеттері.

6.1. Құқық бұзушылықтың алдын алу Кеңесі міндетті: 

- өз міндеттерін ІІБ бірлесе отырып атқаруға; 

- мектепте оқушылар арасында құқық бұзушылықтың алдын алу бойынша жұмыс тиімділігін арттыруға;

 - «тәуекел тобындағы» оқушылармен жеке дара алдын алу жұмыстарын жүргізуге; - оқушылардың жеке істерін қарау бойынша өткізілетін Құқық бұзушылықтың алдын алу Кеңесі отырыстарына ата-аналарды немесе олардың орнындағы адамдарды шақыруға; 

- мұғалімдер ұжымы мен ата-аналар үшін кеңестік- ақпараттық қызмет көрсетуге; 

- қабылданған шешімдердің орындалуын қадағалауға; 

- Кеңес жұмысына талдау жасап, жылына бір рет педагогикалық кеңесте есеп беруге. 

6.2. Құқық бұзушылықтың алдын алу Кеңесі құқылы: 

- мұғалімдер мен ата-аналар үшін жеке және ұжымдық түрде жасөспірімдер мінез-құлық туралы ұсыныстар беруге және олармен алдын алу жұмыстарын жүргізуге; 

- ата-аналар жиналыстарында жасөспірімдер арасындағы құқық бұзушылық жайлы талқылауға ақпарат беруге; 

- аудандық, қалалық жасаөспірімдер ісі мен олардың заңды құқығын қорғау бойынша комиссия алдында оқушылар мен ата-аналарына немесе олардың заңды тұлғаларына қатысты заңмен белгіленген қатынастар негізінде тиісті шаралар қолдану туралы хаттар, сұраныстар жіберуге. 

          7. Құқық бұзушылықтың алдын алу Кеңесі құжаттары: 

7.1. Мектеп бойынша Құқық бұзушылықтың алдын алу Кеңесін құру жөніндегі бұйрық; 

7.2. Кеңес материалдары, отырыстар хаттамалары; 

7.3. Мектепішілік есепте, ІІБ тізімінде тұрған оқушылар тізімдері. Бұл тізімдер жыл сайын тексеріліп, салыстырылып, жаңартылып тұрады. 

7.4. Құқық бұзушылықтың алдын алу Кеңесіне ұсынылған материалдар; Алдын алу Кеңесі отырысының хаттамалары:  

8. Құқық бұзушылықтың алдын алу Кеңесі жұмысының регламенті. 

8.1. Құқық бұзушылықтың алдын алу Кеңесі айына 1 рет шақырылады. (шұғыл жағдайлардан басқа).