Ағымдағы жылдың 1 жартыжылдығы бойынша тәрбие жұмысының анализі. 2024-2025 оқу жылы 6- сынып.

Ағымдағы жылдың 1 жартыжылдығы  бойынша тәрбие жұмысының анализі.

2024-2025 оқу жылы

6- сынып.            

  Сынып жетекшісі: Нұрболатұлы Р

Сыныптың құрылуы мен қалыптасуы бойынша жалпы мәлімет

1. Жалпы мәлімет

Сыныптағы оқушы саны:8

Жыл басында:8

Жыл соңында: 8

Кеткен оқушылар саны:жоқ

     Өткен оқу жылы басында қойылған мақсаттар мен міндеттер толық орындалды.

     Сынып оқушылары бір-бірімен жақсы қарым -қатынаста болып, бір толық ұжым қалыптастыра алды.

     Оқушылардың 80 пайыз оқушылар үйірме және спорт секцияларына қатысып отырды. Шахатова Қасиет ән айту үйірмесіне, Шурманов Ералы еркін күрестен жүлделі орындар алып жүр, Атшыбай Жанерке домбыраға қатысады, Қызымет Бақберген болса футболға өте жақын. Оқушылардың басым бөлігі дені сау физиологиялық тұрғыдан қалыптасқан балалар.

     Сыныпқа қатысты қоғамдық жұмыстардың көбі сынып әкімі Атшыбай Жанерке ұйымдастыруымен жүзеге асып отырды. Оның сыныптастары арасындағы беделі өте жоғары болғандықтан, әр оқушы тағайындалған міндеттерін барынша жақсы орындауға тырысып отырды. Өзі сыныпта үздік, үлгілі, сондықтан басқаларды да осындай игі іске тартып отырды.

    Ұжым арасындағы қарым-қатынас:

    А) оқушылар арасында тұйық, сөйлемейтін  оқушы да болды. Ол көбіне бірініші сыныптан бастап оқып келе жатқан оқушылар. Бірақ онымен сынып жетекшісі жұмыс жасау арқылы  ол топ оқушылары сыныпта басқа оқушылармен қарым-қатынастарын өзгерте бастады.

      Б) сынып ұжымында жылы достық қарым-қатынас орнатылған, бірінің сөзін бірін тыңдап, сынып арасында өзіндік талап қалыптасқан.

     В) сынып ұжымында бір-біріне сын айтып, сол сынға дұрыс қарайтындар да, аздап реніш білдіретіндер де бар. Әрине, ол кездегі келеңсіз жағдайлар сынып жетекшісінің және ата-ананың көмегімен шешіліп отырды. 

      Г) сыныпта қосымша лидерлік танытқан оқушылар болған жоқ, сондықтан сыныптың ұжым болып қалыптасуына ешқандай кедергі болған емес. Сынып оқушылары барлығы бірдей деңгейде тәрбиеленді.

      Сынып оқушыларымен белгіленген жоспарға сәйкес бағыттар бойынша (ұлттық мүдде, ар-ұят, талап) сынып сағаттары өтті. Демалыс кездерінде немесе  қоғамдық жұмыстарға қатысу кезінде қауіпсіздік ережесін сақтау барында жұмыстар жүргізіліп, оқушылардың қолымен бекітіліп отырды. Сынып оқушылары жыл бойы мектепшілік, аудандық, республикалық жарыстарға белсене қатысып отырды.

Оқушылар осы тоқсанда сабаққа жақсы қатысып жүрді. Мұғалімдер тарапынан  ескерту болған жоқ.

Жоспар бойынша белгіленген сынып сағаттары өткізілді.Алтын күз, жаңа жыл кеші, мерекелері  тәрбие сағаты ретінде өтті.

      Сабақты себепсіз  босатқан оқушылар болған жоқ.

 Ата - аналар жиналысы белгіленген жоспар бойынша өткізіліп отырды. Жиналысқа сынып ата-аналарының 70 пайызы  қатысты. Жиналыс барысында оқушылардың оқу үлгерімі мен сабаққа дайындығы, оқушылардың қауіпсіздік ережелері туралы түсіндірілді.Жиналыс ата-аналарды мектепке шақыру арқылы өтті.

     Ұлттық ерекшеліктеріміз бен менталитетімізге байланысты қыздармен де, ер балалармен де бөлек- бөлек әңгімелер өтті.Кейбір оқушылардың ата-аналарымен жеке әңгіме жүргізіліп отырды.

Сынып жетекшісі:                 Нұрболатұлы Р